设为主页广告配资开户
当前位置:股票配资 > > > 正文

张志德:C朗爱拚才会赢

文章来源:互联网  发表时间:2014-12-30 11:01:59  编辑:彩虹   字体【

精彩嘅2014年快将完结,若要选全年最佳男主角,C朗绝对係当之无愧。死敌美斯之前连夺4届金球奖,巴塞亦长期压住皇马,畀着其他人都会气馁,但C朗始终一如以往,努力不懈地操练同认真比赛,源源不绝嘅入球纪录,体现出嗰种爱拚才会赢嘅精神,从年头重夺金球奖开始,C朗便势如破竹,呢种永不服输嘅斗志,同时亦带动埋皇马前进,西盃、欧联、欧超盃及世冠盃先后得手,将近年巴塞领导球坛嘅势头完全逆转。

破巴塞垄断 舰队迈步向前

虽然有人话美斯天分更佳,但C朗后天努力一样咁重要,长期保持高水准绝非易事,背后所付出嘅汗水同日积月累嘅伤患,係佢重登「冧巴温」不为人知嘅代价。展望2015年,预计C朗同皇马会持续强势,细鬼都做过球员,明白到长期畀人骑住做二奶嘅感觉劲难受,依家难得打破巴塞嘅垄断,梗係想继续威落去喇,呢种对成功不断渴求嘅欲望,正係推动佢同「银河舰队」继续向前走嘅动力。今晚皇马喺杜拜同意甲没落豪门AC米兰「拍跳」,儘管只係热身赛,但AC今非昔比,连中场核心本田圭佑都返咗日本备战亚洲盃,凭乜嘢抵挡如日中天嘅「银河舰队」呢?相信皇马可大胜一场迎接新年。

分享到:
花边体育更多>>