设为主页广告配资开户
当前位置:股票配资 > > > 媒体推荐 > 苹果股票 正文

英超好料:「热」「Q」呢铺骚哥利

文章来源:互联网  发表时间:2014-12-28 15:27:31  编辑:彩虹   字体【

英超好料:「热」「Q」呢铺骚哥利

英超快车去到第2击,昆士柏流浪及韦斯咸啱啱输波,今次返主场,会识变身;另外热刺越踢越好,今晚头场仍受让,唔会怕红魔来袭。

拆礼物日,如果计「澳彩」亚洲盘,开出「7上3下」,排名前9位球队当中,仅韦斯咸败走1哥车路士,其馀成功拆到礼物;隔日再战,热、冷整体其实都係参半,波友要小心取捨了。车路士及曼城,两支蓝军,有越放越远之势,无锋阵嘅曼城,联赛已7连胜,今晚迎鱼腩般尼,后者少大败,小弟锺意攻击热门,都唔敢同蓝月亮作对。车路士更劲,笔者服了,作客让到修咸顿半/一,睇唔通,避之则吉。

前晚,3队波最似揸流摊下输波,分别係后防鬆散、前线首次畀「牛奶嘴」阿当岩士唐担正嘅纽卡素、收起桑治及迪亚法沙高,被车路士围攻嘅韦斯咸;同埋半放弃同阿奴一战,踢多个照输嘅昆士柏流浪。所以,今次先攻击作客仍要让波嘅曼联!曼联近况当然好,但轻取半力纽记,主要对手多番走甩改踢中场、八面玲珑嘅朗尼;其实本身伤兵潮未停过,迪马利亚临场又伤,费兰尼感冒冇出,其3-5-2阵式,强于两翼侧击;但今场作客到非常硬淨嘅热刺,未必食得住!

热刺排名越踢越上,右闸基尔获加复出后,侧击更强;基斯甸艾历臣复任中场重心,表现不逊朗尼。球队近5场联赛3胜,只败走过「无敌车」,赢波比数都係2:1同当中两场比赛都后段入波奠胜,反映斗志、体力处高点,人脚充裕利轮换,红魔一向担飞,热刺够勇仍成冷门,下盘及冷敲D可取。

 阿奴难挡槌仔帮

下游大战,取让水晶宫平/半嘅昆士柏。老列纳,老江湖,刚战突用「里奥」同卡兰积卡等自己友担正,全程缩后主守,好似怕咗主场嘅阿仙奴,只不过兵工厂无厘头,下半场少踢1人,令战情稍为紧凑。昆士柏,主场王,近5战4胜1和,射手查理柯士甸入咗8粒;咁啱对手水晶宫极颓,冇咗查马克,中场串连影响好大,啱啱输畀修咸顿伤埋另一锋将费沙甘保,呢场波未必好睇,但热门队中,昆军最可取!

最揸流摊球员,一定係阿仙奴中锋基奥特,冲动头撞对手被逐,要跨年停赛;球队今晚作客必现真身嘅韦斯咸,冇埋「基佬」,阿仙奴应付对手高空波狂炸更蚀底,厂迷睇波,食定惊风散好啲!

分享到:
花边体育更多>>